चन्द्रागिरि साकोसका सञ्चालकलाई क्षमता अभिबृद्धि तालिम

काठमाडौं : चन्द्रागिरि बचत तथा ऋण सहकारी संस्थाका नवनिर्वाचित सञ्चालक र लेखा सुपरिवेक्षण समितिको लागि क्षमता अभिबृद्धि तालिम सुरु भएकाे छ । चितवनको साैरहामा आजदेखि सुरु भएकाे तालिम २४ गतेसम्म सञ्चालन हुनेछ ।

संस्थाका अध्यक्ष योगेन्द्रकुमार कुँवरले तालिमले सञ्चालकहरुको क्षमता विकास गरी संस्थाका सदस्यहरुलाई थप प्रभावकारी र सुविधाजनक सेवाहरु प्रवाह गर्न आवश्यक ज्ञान र सीप प्रदान गर्ने विश्वास व्यक्त गर्नुभयो ।

संस्थामा हाल १३ हजार सदस्य र २ अर्ब ३४ करोडको कुल सम्पत्ति सहित विशुद्ध रुपमा समुदायमा आधारित सहकारीको रुपमा गुणस्तरीय सेवा प्रदान गरिरहेको संस्थाका प्रमुख कार्यकारी अधिकृत कृष्णकुमार श्रेष्ठले बताउनुभयो ।

नेफ्स्कुनका तालिम विभागका प्रमुख एवं प्रचार्य गणेश प्रसाद तिमल्सिना र बरिष्ठ तालिम अधिकृत बल्लभ तिमल्सिनाले उक्त ५ दिवसीय तालिममा प्रशिक्षण गर्नु हुनेछ ।