राष्ट्रिय सहकारी बैंकलाई कर्जा उठाउनै हम्मे हम्मे

काठमाडौं : राष्ट्रिय सहकारी बैंकलाई कर्जा उठाउन हम्मे हम्मे परेको छ । बैंकले गरेको लगानी उठ्न नसकेपछि राष्ट्रिय दैनिक पत्रिकामा कर्जा नतिर्ने संस्थाको नाम प्रकाशन गरेको छ । बैंकले ५ वटा सहकारी संस्थालाई ३५ दिन भित्र कर्जा चुक्ता गर्न आउने बारे सूचना प्रकाशन गरेको छ ।

बैंकबाट लगेको कर्जा नतिर्ने सहकारी संस्थाहरुमा डाँफे बचत तथा ऋण सहकारी संस्था, गुणस्तरीय बचत तथा ऋण सहकारी संस्था, जनविश्वास उपभोक्ता सहकारी संस्था र विस्मिला महिला कृषि सहकारी संस्था रहेको छ । यी ४ वटा सहकारी पर्साका हुन् । त्यस्तै प्रगति कृषि सहकारी संस्था पनि कर्जा नतिर्ने सहकारीमा परेको छ । यी ५ वटै सहकारीलाई ३५ दिने सूचना बैंकले जारी गरेको छ ।

३५ दिनभित्र कर्जाको साँवा, ब्याज र हर्जना नतिरेमा धितो लिलामी गर्ने समेत बैंकले जनाएको छ ।