बुडोल सामुदायिक साकोसको अध्यक्षमा कैलाश केसी

काभ्रे : बुडोल सामुदायिक बचत तथा ऋण सहकारी संस्थाको २१ औं वार्षिक साधारण सभाले नयाँ संचालक समिति चयन गरेको छ । साधारण सभाले आगामी ४ वर्षे कार्यकालको लागि अध्यक्ष कैलाश केसी, उपाध्यक्षमा प्रेमनाथ शर्मा कोईराला, सचिवमा जयराम थापा, कोषाध्यक्षमा राधेश्याम केसी निर्वाचित हुनभएको छ ।

त्यस्तै सदस्यहरुमा राधाकृष्ण श्रेष्ठ, प्रकाश भुर्तेल, हरिराम कुईकेल, श्यामचन्द्र श्रेष्ठ, गीता कुँवर क्षेत्री, गायत्री खड्का र अनिला श्रेष्ठ निर्वाचित हुनुभएको छ ।

सभाले लेखा सुपरिवेक्षण समितिमा पूर्णबहादुर कार्कीको संयोजक तथा सदस्यहरु सन्तोष आचार्य र शर्मिला नेपाललाई निर्विरोध चयन गरेको हो । संस्थाका अध्यक्ष रामहरि केसीको सभापतित्वमा सम्पन्न सभा विषम परिस्थितीलाई ध्यानमा राखी संचालक समिति, लेखा सुपरिवेक्षण समिति, उपसमिति, पूर्व संचालक, निवर्तमान संचालक, प्रतिनिधी सदस्यहरु, सल्लाहकार र कर्मचारी लगायत सिमित व्यक्तिहरुको भौतिक उपस्थितीका साथमा भर्चुअल सभा सम्पन्न भएको हो ।

संस्थाका सचिव प्रेमनाथ शर्मा कोईरालाले आर्थिक वर्ष ०७६/०७७ को प्रगति प्रतिवेदन, कोषाध्यक्ष ध्रुबबहादुर भुजेलले आर्थिक प्रतिवेदन र ०७८/०७९ को प्रस्तावित वार्षिक कार्ययोजना तथा बजेट प्रस्तुत गरेका गर्नुभएको थियो ।

सभामा लेखा सुपरिवेक्षण समितिका संयोजक जयराम थापाले लेखा सुपरिवेक्षण समितिको प्रतिवेदन प्रस्तुत गरेका थिए भने सहसचिव गंगाराम ठकुरीले स्वागत मन्तव्य राख्नुभएको थियो। संस्थाले सदस्यहरुलाई साल पुष ४ गतेदेखि नै उपस्थिती खुल्ला गरिएको थियो ।