राष्ट्रिय सहकारी बैंकको शाखा सुनसरीको ईनरुवामा

सुनसरी : राष्ट्रिय सहकारी बैंक लिमिटेडले सुनसरीको ईनरुवामा शाखा विस्तार गरेको छ । शाखाको प्रदेश नं. १ का योजना आयोग अध्यक्ष सुबोध प्याकुरेलले उद्घाटन गर्नु भएको हो।

सहकारी बैंकले पुस मसान्तभित्र ६८ वटा शाखा मार्फत सेवा सञ्चालन गर्ने लक्ष्य लिएको छ । नेपाल राष्ट्र बैंकले थप २४ वटा शाखा सञ्चालनको अनुमति दिएपछि बैंकले शाखा विस्तारलाई तिब्र बनाएको बैंकमा हाल १२ हजार २ सय ८३ सहकारी संघ संस्था सदस्य रहेका छन् ।

नेपाल सरकार सहित देशभरका सहकारी संघ सस्थाहरुको शेयर रहेको बैंकमा हाल २ अर्ब ४८ करोड शेयर रकम, ५१ अर्ब ३६ करोड निक्षेप र २४ अर्ब २८ करोड कर्जा लगानी रहेको छ ।