राष्ट्रिय सहकारी बैंकको नायव महाप्रबन्धकमा किशोर बिमली

ललितपुर : राष्ट्रिय सहकारी बैंक लिमिटेडले नायव महाप्रबन्धकमा चार्टर्ड अकाउन्टेड किशोर प्रसाद बिमलीलाई नियुक्त गरेको छ ।

बिमलीलाई आगामी माघदेखि कार्यभार सम्हाल्ने गरि बैंकले नियुक्त गरेको हो । सोमबार बैंकको केन्द्रीय कार्यालयमा आयोजित एक कार्यक्रमका बीच बैंकका प्रमुख कार्यकारी अधिकृत बद्रि कुमार गुरागाईले नवनियुक्त नायव महाप्रबन्धकमा किशोर प्रसाद बिमलीलाई स्वागत गर्नुभएको थियो ।

कार्यक्रममा बैंकका विभागीय प्रमुख तथा केन्द्रीय कार्यालयमा कार्यरत कर्मचारीहरुको उपस्थिति रहेको थियो । नवनियुक्त नायव महाप्रबन्धकमा किशोर प्रसाद बिमलीमा विभिन्न बैंक वित्तीय संस्थामा लेखा परिक्षण, वित्तीय विश्लेषण, जोखिम व्यवस्थापन सहित इक्रा नेपाल लिमिटेडमा रेटिङ डिभिजन प्रमुख भइ कार्य गरेको अनुभव रहेको छ ।

उहाँले राष्ट्रिय सहकारी बैंक लिमिटेडको माध्यमवाट सहकारी क्षेत्रमा आफुले हासिल गरेको अनुभवलाई कार्यान्वयनमा ल्याउने प्रतिबद्धता व्यक्त गर्नुभयो ।