सिजेएन पुरस्कार तथा हितकोष स्थापना, ज्ञानबहादुर तामाङद्वारा ५१ हजार १ सय ११ रुपैयाँ सहयोग

काठमाडौं  : नेपाल सहकारी पत्रकार समाज (सिजेएन)ले सिजेएन राष्ट्रिय पत्रकारिता पुरस्कार तथा पत्रकार हितकोष स्थापना गरेको छ ।

कोषमार्फत आगामी दिनमा सहकारी क्षेत्रमा उत्कृष्ट कलम चलाउने पत्रकारलाई पुरस्कार प्रदान गर्नुका साथै सदस्यको हितका लागि पनि कार्य गर्ने संस्थाका अध्यक्ष खिलानाथ दाहालले बताउनुभयो ।

१० औं वार्षिक साधारणसभाका अवसरमा जिल्ला सहकारी संघ काठमाडौंका अध्यक्ष ज्ञानबहादुर तामाङले उक्त कोषमा ५१ हजार १ सय १९ रुपैयाँ सहयोग गर्नुभएको छ । अध्यक्ष तामाङले सिजेएनका अध्यक्ष दाहाललाई हस्तान्तरण गर्नुभएको छ ।

त्यस्तै साधारणसभाले कोष सञ्चालन कार्यविधि पारित समेत गरेको छ ।