कुमारी साकोसको १७ औं साधारण सभा सम्पन्न, १० प्रतिशत लाभांश पारित

काठमाडौं : चाबहिलमा मुख्य कार्यालय रहेको कुमारी सेभिङ्ग एण्ड क्रेडिट को अपरेटिभ लिमिटेडको १७ औं बार्षिक साधारण सभा भर्चुअलरुपमा सम्पन्न भएको छ ।

सभामा संस्थाका अध्यक्ष सूर्यध्वज न्यौपानेले संस्थाको आर्थिक वर्ष ०७६÷०७७ को प्रगती प्रतिवेदन तथा ०७७÷०७८ को निती, कार्यक्रम तथा वार्षिक बजेट सहितको प्रतिवेदन प्रस्तुत गर्नुभएको थियो । उहाँले बन्दाबन्दीको समयमा पनि संस्थाले सदस्यहरुलाई ३६५ दिनै सेवा दिएको बताउनुभयो । ‘हामीले प्रशासनले रोक्दा पनि, अरु बैंक वित्तिय संस्थाले सेवा ठप्प पारेको समयमा पनि लुकेर सेवा दियौं, हाम्रो सेवा पाएर सदस्यका आँखामा हर्षका आँशु आए’, उहाँले भन्नुभयो ।

सभामा संस्था पूर्ण प्रबिधिमैत्रि बनेको र देशभरिका कुनैपनि बैंकको एटिएम मार्फत संस्थाको सेवा लिन सकिने जानकारी गराउनुभयो । संस्थाले संचालन गरेको एसएमएस मोबाइल बौंकिङ, एटिएम सेवा प्रयोग गर्न सदस्यलाई आग्रह गर्नुभयो । उहाँले संस्थाले सदस्यलाई आर्थिक कारोबारमा मात्र सहभागीता नगराएर उनीहरुको सामाजीक र सास्कृतिक पक्षमा पनि सहयोग गरेको बताउनुभयो । उहाँले सदस्यको नवजात शिशुको नाममा निशुल्क खाता खोल्ने, बाल बचतकर्ताहरुकालागि जन्मदिनको उपहार प्रदान गर्नै, मृत सदस्यको परिवारकालाई ५ हजार राहत दिने कार्यलाई निरन्तरता दिएको छ । त्यसैगरी सदस्यलाई घातक रोग लागेर आपत पर्दा ५० हजार सम्म उपचार खर्च सहयोग गरेको जानकारी दिनुभयो ।

संस्थाले यस आवमा ८ करोड १८ लाख ५ हजार २ सय रुपैंया शेयर पूंजी, १ अर्ब ३५ करोड ४२ लाख ८० हजार ३७ रुपैंया बचत संकलन, १ अर्व ५ करोड १६ लाख ३९ हजार ४ सय ९५ रुपैंया ऋण लगानी गरेको जानकारी दिनुभयो । १ अर्व ५५ करोड ७ लाख २९ हजार ३ सय ५१ रुपैंयाको कुल कारोबार गरेको संस्थाले १ करोड ३३ लाख ९ हजार ९२ रुपैंया खुद नाफा गरेको छ भने सदस्यहरुलाई १० प्रतिशत लाभांश बितरण गर्ने जनाइएको छ । साधारण सभाको अवसरमा संस्थाले विभिन्न ब्यत्तित्वहरुलाई सम्मान तथा पुरस्कृत गरेको छ ।

संस्थाले जेष्ठ नागरिक सदस्य धन बहादुर बस्नेत, शिवरत्न अटल, मति साबित्रि शर्मा, श्यामलाल श्रेष्ठ र मति मिरा गर्गलाई सम्मान गरेको छ । त्यसैगरी सक्रिय शेयर सदस्य मति पार्बती वैध र रमेश अग्रवाललाई सम्मान गरेको छ । त्यसैगरी बाल बचतकर्ता इप्सित श्रेष्ठ र करीना मालीलाई पनि सम्मान गरेको छ ।

संस्थामा लामो समय रहेर सेवा गर्ने कर्मचारीहरुलाई पनि साधारण सभाको अवसरमा सम्मान गरिएको छ । समनित हुने कर्मचारीहरुमा १५ वर्ष देखि कार्यरत प्रबन्धक मुख्य कार्यालय, अपरेशन एण्ड मेम्बर सर्भिसकी किशोरी सिंहलाई सम्मान गरेको छ । त्यसैगरी १० वर्ष सेवाअवधि पुरा गरेका राज कुमार राउत, शम्भु प्रसाद सापकोटा र गाबिन्द नेपाल पनि सम्मानीत भएका छन् ।

५ वर्ष सेवाअवधि पुरा गरेका प्रदिप रेग्मी, साबित्रि नेपाल, रुपा पनेरु, प्रशंसा न्यौपाने, निता थापा श्रृजना लामा, ज्ञानु न्यौपाने तथा सुरक्षा गार्ड लक्ष्मण बस्नेत र ओम प्रसाद सुबेदी पनि सम्मानीत भएका छन् ।

त्यसैगरी संस्थाले यो वर्षको उत्कृष्ट कर्मचारी स्टाफ अफ द इयरको रुपमा सुर्यबिक्रम खड्का दश हजार, फडिन्द्र ढकाल सात हजार र रुपा पनेरु पाँच हजार नगद पुरस्कार सहित सम्मान गरेको छ । संस्थाका जेष्ठ सदस्य दामोदरप्रसाद बास्कोटाको प्रमुख आतित्थ्यतामा सम्पन्न सभामा संस्थाका लेखा समिति संयोजक किरणकुमार श्रेष्ठले आर्थिक वर्ष ०७६/०७७ को लेखा सुपरिवेक्षण समितिको प्रतिबेदन प्रस्तुत गर्नुभएको थियो ।