सुविधासम्पन्न व्यावसायिक भवन बनाउँदै नेचुरल साकोस

काठमाडौं । जोरपाटीमा मुख्य कार्यालय रहेको नेचुरल बचत तथा ऋण सहकारी संस्था लि.ले सुविधा सम्पन्न व्यावसायिक भवन निर्माण गर्ने भएको छ । काठमाडौं महानगरपालिका वडा नं. ७ टुसालमा रहेको जग्गामा भवन निर्माण गर्न लागेको हो ।

साढे सात आनाबन्ने भवनकोे बुधबार राष्ट्रिय सहकारी बैंकका अध्यक्ष केवि उप्रेतीले शिलान्यास गर्नुभएको हो । १ वर्ष भित्र भवन निर्माण सम्पन्न गरिने संस्थाका सचिव विकल्प पाठकले जानकारी दिनुभयो । ‘६ तलाको सुविधा सम्पन्न भवन निर्माण हुनेछ,’ उहाँले भन्नुभयो ।

केन्द्रीय कार्यालय जोरपाटीमा रहेको सहकारीको सेवा केन्द्रहरु साँखु, नयाँबजार, कालिमाटी र सम्पर्क कार्यालय काँडाघारीमा रहेको छ ।