शिवश्री बहुउद्देश्यीयले सदस्यलाई कौसी खेतीमा सघाउने

काठमाडौं : शिवश्री बहुउद्देश्यीय सहकारी संस्थाले कौसी तरकारी खेती प्रवर्द्धन गर्ने भएको छ ।

आफ्ना सदस्यहरुको लागि स्वस्थ तरकारी जन्य उत्पादनमा प्रोत्साहन गर्ने अभियान सुरु गरेको छ । कौसी खेती गर्न इच्छुक सदस्यहरुको लागि संस्थाले प्रविधि, सामग्री, सेवा र तालिम उपलब्ध गराउने संस्थाका प्रमुख कार्यकारी अधिकृत बोदन थापाले जानकारी दिनुभयो ।

यसका लागि संस्था र र अभियान एग्रो बीच जैविक कौसीबारी ब्यवस्थापन सम्बन्धि समझदारी पत्रमा हस्ताक्षर भैसकेको छ । अभियान एग्रोको सहकार्यमा संस्थाले सदस्यहरुलाई आवश्यक प्रविधि, सामग्री, सेवा र तालिम उपलब्ध गराउने थापाले जानकारी दिनुभयो ।

संस्थाले आफ्ना सदस्यहरुको वित्तीय तथा आर्थिक विकासका लागि विभिन्न काम गर्दै आएको छ ।