४१ प्रतिशतले बढ्यो पोखरा रोयलको सदस्य, वासलात १ अर्ब ८१ र खुद नाफा ५ करोड ६२

पोखरा, १५ मंसिर

पोखरा रोयल बचत तथा ऋण सहकारी संस्थाले आर्थिक वर्ष २०७६/०७७ मा ५ करोड ६२ लाख ९१ हजार ७ सय ६५ रुपैयाँ खुद नाफा आर्जन गर्न सफल भएको छ ।

यस आर्थिक वर्षमा संस्थाको वासलात ७ दशमलप ७७ प्रतिशतले बढेर १ अर्ब ८१ करोड १९ लाख २ हजार ८ सय ६८ रुपैयाँ पुगेको छ । गत आर्थिक वर्षमा संस्थाको वासलात १ अर्ब ७० करोड ७ लाख ४६ हजार २७ रुपैयाँ रहेको थियो ।

संस्थाको १९ करोड ८७ लाख १९ हजार ३ सय रुपैया सेयर पूँजी रहेको छ । संस्थाले यस आर्थिक वर्षमा १ अर्ब ३२ करोड ५ लाख ५६ हजार ३ सय ८५ बचत संकलन गरी १ अर्ब ४५ करोड ५८ लाख ५५ हजार ४ सय ७ रुपैयाँ कर्जा लगानी गरेको छ ।

संस्थाको जगेडा कोषमा ११ करोड ८४ लाख ७४ हजार ८७ रुपैयाँ र अन्य कोषहरु ४ करोड २२ लाख १८ हजार ८ सय २५ रुपैयाँ रहेको छ ।

संस्थाले यस आर्थिक वर्षमा २ पटक सहुलियतपूर्ण ऋण कार्यक्रम सञ्चालन गरेको थियो । पहिलोपटक दुलेगौंडा सेवा केन्द्रबाट १३ प्रतिशत ब्याजदरमा कर्जा प्रवाह गरेको र कोरोनाको असर परेका सदस्यलाई १० लाखसम्म ९.९९ प्रतिशत व्यजदरमा कर्जा प्रवाह गरेको संस्थाका अध्यक्ष तुलसीप्रसाद गुरुङले जानकारी दिनुभयो । यस वर्ष विभिन्न कोषमा बाँकी रहेको रकम मध्ये १ करोड २ लाख ५२ हजार रुपैया जगेडा कोषमा रकमान्तर गरेको छ । त्यस्तै कर्मचारी बोनस कोषमा बाँकी रहेको ५ लाख ३९ हजार रुपैयाँ आम्दानीमा रकमान्तर गरेको छ ।

संस्थाको सदस्य ५ हजार ३ सय ३ जना रहेकोमा यस वर्ष ४१.४५ प्रतिशतले बृद्धि भई ७ हजार ५ सय १ जना पुगेको छ ।

 

१९ औँ वार्षिक साधारण सभा शुभारम्भ समाराेह