विनयी त्रिवेणी गाउँपालिकालाई विकू बचतले दियो एम्बुलेन्स

गैंडाकोट, २४ कार्तिक

विकू बचत तथा ऋण सहकारी संस्थाले नवलपुर जिल्लाको विनयी त्रिवेणी गाउँपालिकालाई एम्बुलेन्स हस्तान्तरण गरेको छ । साविक जनकल्याण बहुमुखि सहकारी संस्थाले बिगत केही समयदेखि स्थानिय स्तरमा एम्बुलेन्स सेवा सञ्चालन गर्दै आईरहेको थियो ।

विकू बचत तथा ऋण सहकारी संस्था र साविक जनकल्याण बहुमुखि सहकारी संस्था एकीकरण पश्चात विकूको तर्फबाट ऐम्बुलेन्स सेवा सञ्चालन हुँदै आएको थियो । निरन्तर सामाजिक उत्तरदायित्व, सहकार्य तथा सामुहिक एकता र माननिय भावनाबाट प्रेरित भई स्थानिय स्तरमा नै सदस्य एवं गैर सदस्य हरुलाई सेवा प्रवाह गर्न गाउँपालिकालाई उक्त एम्बुलेन्स हस्तान्तरण गरिएको संस्थाले जनाएको छ ।

शुक्रबार भएको कार्यक्रममा विकूका अध्यक्ष ओम प्रसाद सापकोटाले लिखित सम्झौता आदान प्रदान एवं एम्बुलेन्सको सवारी दर्ता प्रमाण पत्र तथा चावी, गाउँपालिका प्रमुखलाई हस्तान्तरण गर्नुभएको थियो । एम्बुलेन्स ग्रहण गर्दै विनयी त्रिवेणी गाउँपालिकाका अध्यक्ष डम्बर बहादुर जिसिले गाउँपालिकाका गम्भिर बिरामीलाई समयमानै अस्पताल पु¥याउन सहयोग पुग्ने विश्वास ब्यक्त गर्नुभयो । विकूको यस कार्यलाई गाउँपालिका बासीले कहिलेही नबिर्सिने बताउँदै विकूको सफलताको शुभकामना ब्यक्त गर्नुभयो ।साथै यस गाउँपालिकाको तर्फबाट सहयोगको प्रत्तिवद्धत्ता ब्यक्त गर्नुभयो ।

कार्यक्रममा विनयी त्रिवेणी गाउँपालिकाका उपाध्यक्ष मिनम कुमारी राना मगर, वडा अध्यक्ष ज्यूहरु, स्थानिय जनप्रतिनिधि, सुरक्षा निकायका प्रतिनिधि, स्थानिय समाजसेवी, संस्थाका संचालकज्युहरु, एवं उच्च व्यवस्थापनको सहभागिता रहेको थियो ।