काठमाडौं उपत्यकामा थपियो सहकारी बैंकको ४ शाखा

काठमाडौं, २३ कार्तिक

राष्ट्रिय सहकारी बैंकले काठमाडौं उपत्यकामा थप ४ वटा शाखा विस्तार गरेको छ ।

आईतबार मात्रै काठमाडौंको किर्तिपुर, कालिमाटी र जोरपाटीमा शाखा विस्तार गरेको छ । त्यस्तै भक्तपुरको कमलविनायकमा पनि शाखा विस्तार गरेको छ । यो संगै बैंकको देशभर ४८ वटा शाखा पुगेको छ । चार वटै शाखाको उद्घाटन बैंकका अध्यक्ष केबी उप्रेतीले गर्नुभयो ।

बैंकको नेपालगञ्ज र बर्दियामा पनि शाखा स्थापना गरेको छ । उक्त शाखाको मंगलबार उद्घाटन गरिने बैंकका अध्यक्ष केबी उप्रेतीले जनाकारी दिनुभयो ।