१९ औं वर्षमा पोखरा रोयल साकोस, स्थापना दिवसमा फोटो बुलेटिन प्रकाशन (संक्षिप्त परिचय सहित)

पोखरा, ९ जेठ

कास्की जिल्लाको बुद्धचोकमा मुख्य कार्यालय रहेको पोखरा रोयल बचत तथा ऋण सहकारी संस्था १९ औं वर्षमा प्रवेश गरेको छ ।

यस संस्था २०५९ जेठ ८ गते स्थापना भएको हो । स्थापना दिवसको अवसरमा संस्थाले वर्षभरीमा गरेको गतिविधिलाई समेटेर फोटो बुलेटिन प्रकाशन गरेको छ । उक्त बुलेटिनमा कोरोना भाईरस सम्बन्धी १९ बुँदे सन्देश सदस्यहरुको लागि जारी गरेको छ ।

संस्थाको नेतृत्व मेजर तुलसीप्रसाद गुरुङ्गले गर्नुभएको छ भने प्रमुख कार्यकारी अधिकृतको भूमिकामा भिम गुरुङ्ग रहुनु भएको छ । त्यस्तै मुख्य प्रबन्धको भूमिकामा मिलन ढकाल रहनुभएको छ ।

संस्थाको कारोबारलाई प्रतिस्पर्धी एवं समय सापेक्ष बनाउने सन्दर्भमा नीति, विधी र प्रविधीको माध्यमबाट हरेक क्षेत्रमा व्यवस्थापकीय कुशलता कायम गर्दै आएको छ । आधुनिक कम्प्यूटर सफ्टवेयरको प्रयोग, मोबाईल बैकिङ्ग, ३६५ दिने बैकिङ्ग सेवा, एटिएम सेवा, घरदैलो वित्तीय सेवा, सरल तथा छिटो छरितो कर्जा सेवा संस्थाले सदस्यहरुलाई प्रदान गर्दै आएको छ ।

सेवाको विविधीकरणका सन्दर्भमा सदस्य राहत कोषको स्थापना, कर्मचारी हितकोष, राष्ट्रिय सहकारी पुरस्कार कोष आदिको माध्यमबाट समाज र सदस्यको लागि थप कार्यक्रमहरु सञ्चालन गर्दै आएको छ । संस्थाले ६ जनालाई राष्ट्रिय सहकारी पुरस्कार, ६ जनालाई क्षेत्रीय पत्रकारिता पुरस्कार, १० जनालाई पेन्सन राहत र दर्जनौ सदस्यहरुलाई विविध राहत प्रदान गरिसकेको छ ।

संस्थाले उत्कृष्ठ सहकारी पुरस्कार २०७०, उत्कृष्ठ अध्यक्ष पुरस्कार २०६६, उत्कृष्ठ प्रवन्ध निर्देशक पुरस्कार २०६७, उत्कृष्ठ प्रबन्धक पुरस्कार २०७२ र उत्कृष्ठ करदाता पुरस्कार २०७२ आदि प्राप्त गरिसकेको छ ।

२०७७ बैशाख सम्ममा ७ हजार ४ सय ६० जना सदस्य संस्थामा आवद्ध भएका छन् । सोही अवधिसम्ममा १ अर्ब २८ करोड ३७ लाख बचत संकलन गरी १ अर्ब ४६ करोड लाख कर्जा प्रवाह गर्न सफल भएको छ । संस्थाको ब्यालेन्स सिट १ अर्ब ८१ करोड ६० लाखको रहेको छ ।

संस्थाले असार १५ गतेसम्म ब्याज भुक्तानी गर्ने सदस्यलाई ब्याज रकमको १० प्रतिशत छुट दिने घोषणा गरेको छ । लकडाउन अवधि सुरु भएदेखि असार मसान्तसम्म हर्जना नलिने निर्णय गरेको छ । संस्थाले मुख्य कार्यालय बुद्ध चोक, सेवा केन्द दुलेगौंडा तनुहुँमा एटिएम मेशिन समेत सञ्चालन गरेको छ । नेपालको जुनसुकै एटिएम मेशिन प्रयोश गर्दा कुनै पनि शुल्क नलाग्ने व्यवस्था संस्थाले मिलाएको छ ।

संस्थाले तनहुँ, कास्की र स्याङ्जाको विभिन्न स्थानीय तहरुमा १ सय २ वटा लघुवित्त केन्द्र र २ सय ७ट समूह निर्माण गरी विपन्न महिलाहरुको लागि वित्तीय पहुँच र वित्तीय साक्षरता प्रदान गर्दै आएको छ ।