शिखरदिप सहकारीद्वारा विपन्न तथा आपांगता भएका परिवारलाई राहत

काठमाडौं, ३ जेठ

शिखरदिप बहुउदेश्यीय सहकारी संस्थाले विपन्न तथा आपांगता भएका परिवारलाई शुक्रबार राहत वितरण गरेको छ ।

संस्थाले बुढानिलकण्ठ नगरपालिका–१० स्थित पाथीभारा टोलमा बसोबास गर्ने विपन्न तथा आपांगता भएका ४० परिवारलाई खाद्यन्न लगायतका राहत सामग्रि वितरण गरेको हो ।

शिखरदिप बहुउदेश्यीय सहकारीका अध्यक्ष केदारनाथ शर्मा, वडा नं १० का वडाअध्यक्ष नबराज भट्टराई र काठमाडौं जिल्ला बहुउदेश्यीय संघ लिमिटेडका सञ्चालक महाशंकर रेग्मीले लकडाउनका कारण गुजारा चलाउन समस्या खेपिरहेका विपन्न परिवारलाई चामल, दाल र तेल वितरण गर्नुभएको हो ।

लकडाउन सुरु भएदेखिनै संस्थाले देशभर राहत वितरण गर्दै आएको छ ।