भैरवी सहकारीले दियो ब्याजमा १० प्रतिशत छुट, हर्जना शत प्रतिशत छुट

धादिङ, ३ जेठ

निलकण्ठ–३ स्थित भैरवी बचत तथा ऋण सहकारी संस्थाले सदस्यहरुलाई ब्याज रकममा १० प्रतिशत छुट दिने भएको छ ।

आज बसेको सञ्चालक समितिको निर्णय अनुसार २०७६ चैत ११ गतेदेखि जेठ मसान्त सम्मको ब्याज रकममा १० प्रतिशत छुट दिने निर्णय गरेको हो । साथै सो अवधिमा हर्जना समेत नलिने निर्णय गरेको छ ।

कोरोना महामारिमा सदस्यलाई राहत स्वरुप व्याज छुट र हर्जना नलिने निर्णय गरेको हो । त्यस्तै सञ्चालक समितिले महामारी कार्यदल समेत गठन गरेको छ ।

भैरवी बचत तथा ऋण सहकारी संस्थालाई धादिङ जिल्लाकै नमुना सहकारीको रुपमा रहेको छ । २०५७ साल चैत्र १४ गते विधिवत रुपमा स्थापना भई संचालनमा आएको यस संस्था जिल्लाकै पुरानो मध्येको एक हो ।

संस्थामा १ हजार ८ सय ३० जना सदस्य रहेका छन् । जस मध्ये ८ सय ३० जना सदस्य महिला छन् ।