सहकारीको स्वायत्तता माथी हप्तक्षेप, सातामा तीन दिन बन्द गर्ने सरकारी निर्णय

काभ्रे, २ जेठ

काभ्रेका सहकारी संघ/संस्थालाई सातामा तीन दिन मात्र सञ्चालन गर्न दिईने भएको छ ।

कोभिड–१९ नियन्त्रण, रोकथाम र उपचार सम्बन्धी जिल्ला स्तरीय क्राईसिस म्यानेजमेन्ट सेन्टरको बैठकले उक्त निर्णय गरेको हो । शुक्रबार प्रमुख जिल्ला अधिकारी श्रवण कुमार तिमिल्सिनाको अध्यक्षतामा बसेको बैठकले आईतबार, मंगलबार र शुक्रबार मात्र कार्यालय खोल्न दिने निर्णय गरेको हो ।

यसअघि जिल्लाका सहकारीहरुले दैनिक रुपमा सेवा प्रवाह गर्दै आएका थिए । तर, यो निर्णयसँग केही सहकारीका सञ्चालकले सहकारीको स्वायत्तता र स्वतन्त्रता माथीको हस्तक्षेप भनेका छन् ।

सदस्यहरुको माग बमोजिम सेवा दिन पाउनु पर्ने सहकारीकर्मीहरु बताउँछन् । कोरोना संक्रमणलाई उच्च सर्तकर्ता अपनाउँदै, सामाजिक दुरी कायम गरी संस्थाले सेवा प्रवाह गर्न पाउने पर्ने एक सहकारीकर्मीले बताए ।