लकडाउनमा थप कडाई, सहकारीको सेवा प्रभावित हुने

काठमाडौं, ३० वैशाख

लकडाउनमा थप कडाई गरेसँगै सहकारीको सेवा प्रभावित हुने भएको छ । २६ वैशाखदेखि लकडाउन केही खुकुलो भएसँगै सहकारीका कर्मचारी कार्यालयको परिचय पत्र देखाएर सवारी चलाउने गरेका थिए ।

अब सम्बन्धित नियमक निकायबाट पास अनिवार्य गरिएको छ । सहकारी संस्थाको हकमा सहकारी विभागले पास उपलब्ध गराउने छ ।
गृह मन्त्रालयले एक जिल्लाबाट अर्को जिल्ला जाने गरी जारी भएका सबै ई–पास खारेज गरेको छ ।

गृह मन्त्रालयले सबै जिल्लालाई परिपत्र गर्दै जेठ १ गतेबाट लागू हुने गरी सबै पार खारेज गर्न निर्देशन दिएको हो ।

अब एक जिल्लाबाट अर्को जिल्ला जाने गरी अत्यावश्यक कामका लागि पास जारी गर्नुपर्ने अवस्था आएमा उपत्यका बाहिरका जिल्लाहरुको हकमा पुग्ने जिललाबाट प्रमुख जिल्ला अधिकारीको स्वीकृति लिनुपर्नेछ । उपत्यका प्रवेश गर्ने पासका लागि गृह मन्त्रालयको स्वीकृति लिएर नम्बर समेत खुलाउनुपर्छ ।