सहकारी संस्था खुला गर्न पाईने, सेवा प्रवाह गर्दा भने यस्तो शर्त

काठमाडौं, २५ बैशाख

सरकारले जेठ ५ सम्मका लागि लकडाउन थपे पनि आर्थिक गतिविधिसँग सम्बन्धित क्रियाकलापमा भने लचिलो नीति लिएको छ ।

मन्त्रिपरिषद् बैठकले बुधबार व्यापार, उद्योग, कृषि, निर्माण तथा बैंकिङ क्षेत्रको गतिविधिका लागि विभिन्न व्यवस्था गरी ती क्षेत्रमा लकडाउन खुकुलो हुने व्यवस्था गरेको हो ।

यससँगै अब सहकारीले आफ्ना सदस्यलाई नियमित सेवा दिन सक्नेछ । तर सेवा प्रवाह गर्दा स्वास्थ्य सामग्रीको प्रयोग र सामाजिक दुरी भने अनिवार्य पालना गर्नुपर्नेछ ।

सहकारीका कर्मचारीको लागि सवारी पास भने अनिवार्य छैन । तर स्थानीय प्रशासनसँग समन्वय गरेर सवारी पास लिन सरकारले आग्रह गरेको छ । कतिपय स्थानमा सहकारीलाई विना पास आवतजावत गर्न दिईएको छ भने कतै रोकिएको छ ।