तपाईं हाम्रो सहकारीको आयोजनामा रक्तदान

काठमाडौं, २३ बैशाख

तपाईं हाम्रो बहुउद्देश्यीय सहकारी संस्थाले रक्तदान कार्यक्रम सम्पन्न गरेको छ ।

रेडक्रस चन्द्रागिरि उपसमिति र लियो क्लब अफ काठमाण्डौ, लालीगुराँससँगको सहकार्यमा रक्तदान जीवनदान भन्ने नाराका साथ तेश्रो रक्तदान कार्यक्रम गरेको हो । संस्थाको कार्यालय परिसरमा भएको रक्तदानमा ५० जनाले रक्तदान गरेको अध्यक्ष मनोज थापाले जानकारी दिनुभयो ।

सामाजिक दुरी कायम गर्दै सुरक्षितसाथ कार्यक्रम गर्नु परेकाले निश्चित व्यक्तिलाई रक्तदानका लागि आव्हान गरिएको र सोही अनुरुप रक्तदाताको उपस्थिति रहेको अध्यक्ष थापाले बताउनुभयो ।

रक्तदाताहरुलाई प्रमाणपत्रसहित धन्यवाद ज्ञापन गरिएको थियो । लकडाउनका कारण खुल्ला रुपमा रक्तदान कार्यक्रमहरु हुन नसक्दा रगतको अभाव बढ्दै गएको परिप्रेक्षमा संस्थाको आयोजनामा भएको रक्तदान कार्यक्रमले अभाव न्यूनिकरणमा केहि मात्रमा भएपनि सघाउ पुर्याउने छ । नेपाल रेडक्रस सोसाइटी, रक्त सञ्चार केन्द्रले रगत अभाव भएको भन्दै सबैं संघ/संस्था र क्लबहरुलाई रक्तदानका लागि आव्हान गर्दै आएको छ ।