सहकारीका सदस्यलाई सहुलियत दिने विषयमा विभागको निर्देशन आउँदै

काठमाडौं, २४ चैत

कोरोनाको महामारीसँगै सहकारीका सदस्यलाई कर्जाको किस्ताले समेत पिरोलेको छ । सहकारीबाट ऋण लिएका सदस्यहरु कर्जाको किस्ता र ब्याजको तिर्न तत्काल नसकिने भएपछि उनीहरु चिन्तित् देखिन्छन् ।

नेपाल राष्ट्र बैंकले बैंक तथा वित्तीय संस्थाका ग्राहकलाई चैतको किस्ता तिर्ने समयसिमा असार मसान्तसम्म दिन निर्देशन दिएको छ । यसैगरी बिमा समितिले पनि बिमा प्रिमियम, नविकरण लगायतका काममा असारसम्मको समय दिएको छ ।

तर, अहिलेसम्म सहकारी सहकारीका नियामक निकाय र सहकारी अभियान यस विषयमा मौन छ । केही संस्थाहरुले स्वतस्र्फुत रुपमा हर्जाना, समयसिमा बढाए पनि नियामक निकाय र अभिया मौन हुँदा सहकारीका सदस्य चिन्तित छन् । यस विषयमा सहुलियत दिने वा के गर्ने भन्ने विषयमा सहकारी विभागले कुनै निर्देशन जारी गरेको छैन ।

यस विपत्तीमा केही सहकारी संस्थाहरु यस्तो पनि देखिए अप्ठेरोमा परेका सदस्यलाई बिना ब्याज आकास्मिक ऋण दिनेदेखि लकडाउन अवधिभरको व्याज मिनाहासम्मको घोषणा गरे । तर, मंहगो ब्याज लिएर टिकाका केही सहकारीहरुलाई लकडाउने धेरै समस्या पार्ने देखिएको छ ।

स्रोतका अनुसार सहकारी सदस्यलाई सहुलियत दिने विषयमा सहकारी विभागले छलफल गरिरहेको छ। संस्थाहरुले स्वस्फूर्त रुपमा राहत नदिएमा विभागले निर्देशन जारी गर्ने तयारी गरिरहेको छ । यस्तो अवस्थामा सहकारीले धेरै सहुलियत सदस्यलाई दिनुपर्ने विभागको ठहर छ ।