छायाँनाथ साकोसको २ लाख सहयोग

मुगु, २४ चैत

मुगु जिल्लाको सदरमुकाम गमगढीमा प्रधान कार्यालय रहेको छायाँनाथ बचत तथा ऋण सहकारी संस्थाले कोरानाको विपत्तीमा परेका गरिब, श्रमिकहरुको सयोगार्थ स्थानीय तहहरुलाई नगद रुपैयाँ सहयोग गरेको छ ।

सहकारीले विपन्न समुदायलाई खाद्यन्न लगायत अन्य आवश्यकीय सामग्री सहयोगका लागि मुगु जिल्लाका चार स्थानीय तहहरु छायाँनाथ रारा नगरपालीका, खत्याड गाउँपालीका, सोरु गाउँपालीका र मुगुमकामारोङ्ग गाउँपालीकाहरुको विपत् कोषमा ५० हजारका दरले २ लाख रुपैयाँ सहयोग गरेको संस्थाका उपाध्यक्ष कमलबहादुर बुढाले जानकारी दिनुभयो ।

समुदायमा भिडभाड गर्नुभन्दा सरकारी एक प्रणालीमार्फत स्थानीय सरकारकोले अपनत्व ग्रहण गरोस् र संघीयतामा स्थानीय सरकारको महत्व सर्वसाधारणहरुले बुझन् सकोस भनेर सहकारीले आफै जनता माझ नगएर स्थानीय सरकारमार्फत सहयोग गरेको सहकारीका अध्यक्ष भुपेन्द्रबहादुर मल्लले बताउनुभयो ।