सदस्यकै घरमा पुगेर हाम्रो सगरमाथाको वित्तीय सेवा

काठमाडौं : ललितपुरको कुपण्डोलमा मुख्य कार्यालय रहेको हाम्रो सगरमाथा बहुउद्देश्यीय सहकारीले लकडाउनको समयमा सदस्यहरुलाई निरन्तर घरदैलो सेवा प्रदान गरेको छ ।

लकडाउनको समयमा हालसम्म संस्थाले ८ सय ५० जना सदस्यलाई घरदैलो सेवा प्रदान गरेको छ । संस्थाले पाँच हजार रुपैयाँसम्म सदस्यकै घरमा पु¥याउँदै आएको र यस्तो सेवा लकडाउनको अवधिसम्म निरन्तर दिने संस्थाका उप–महाप्रबबन्धक गोपिनाथ घिमिरेले जानकारी दिनुभयो ।

सदस्यहरुलाई अत्यावश्यक वस्तु खरिद र आकस्मिक स्वास्थय उपचारको लागि आवश्यक पर्ने रकम सम्पर्क व्यक्तिमार्फत घरमै पु¥याउने घिमिरेले बताउनुभयो । संस्थाले प्रविधिको प्रगोगमार्फत पनि सदस्यलाई आवश्यक रकम उपलब्ध गराउँदै आएको छ ।

संस्थाले सदस्यलाई कोरोना भाईरसको बारेमा जनचेतना समेत फैलाउँदै आएको छ । संस्थाको मुख्य कार्यालयसहित १८ वटा सेवाकेन्द्र मार्फत सदस्यलाई सेवा प्रदान गर्दै आएको छ ।