एनसीयूआईका अध्यक्ष यादवद्वारा सहकारी एकताको लागि आव्हान

नयाँ दिल्ली : भारतिय सहकारी अभियानको शिर्ष निकाय नेशनल कोअपरेटिभ यूनियन अफ इण्डिया (एनसीयूआई)का अध्यक्ष डा. चन्द्र पाल सिंह यादवले सम्पूर्ण सहकारीहरु एकताको लागि आव्हान गर्नुभएको छ ।

कोरोना भाईरसको सामना गर्न सहकारीले खेलेको भूमिकाको उच्च प्रसंसा गर्दै राष्ट्रिय विपत्तीमा सबै सहकारी एकताबद्ध भएर अघि बढ्नको लागि अनुरोध गर्नुभएको छ ।

अध्यक्ष यादवले भिडियो सन्देशमार्फत कोरोना भाइरस महामारीको विरूद्ध लड्न शहरी र ग्रामीण इलाकामा रहेका सबै सहकारीहरूबाट सहयोग समेत माग गरेका छन् ।

अध्यक्ष यादवले भन्नुभएको छ, ‘सहकारी संस्थाका कर्मचारीहरुले तलब कटाएर प्रधानमन्त्री कोषमा रकम जम्मा गर्नुभएका छ । यसका लागि म धन्यवाद दिन चाहन्छु ।’

त्यस्तै उहाँले होस्टेल ४८ वटा कोठा आईसुलेसन वार्डमा रुपान्तरण गर्न तयार रहेको बताउनुभएको छ ।

उहाँले कोरोनाको महामारीमा सरकारलाई सहयोग गरेकोमा इफ्को, कृभको, नेफेड लगायत सहकारी संस्थालाई धन्यवाद समेत व्यक्त गर्नुभएको छ ।