सहकारीकर्मी श्रेष्ठ र अधिकारीद्वारा खाद्यान्न सामग्री वितरण

काठमाडौं :

गोकर्णेश्वर नगरपालिका २, नयाँपाटीमा बसोबास गर्ने मजदुरलाई खाद्यान्न सामग्री वितरण गरिएको छ । दैनिक ज्यालादारी र मजदुरी गरेर जिविका निवार्ह गर्ने ५८ मजदुरहरुको परिवारलाई खाद्यान्न सामग्री वितरण गरिएको हो ।

नयाँपाटी साकोसका पूर्व अध्यक्ष एवं शिक्षा प्रेमी नारायणभक्त श्रेष्ठ र नेपाल बचत तथा ऋण केन्द्रिय सहकारी संघ (नेफ्स्कून)का प्रशासन तथा समन्वय विभाग प्रमुख शिव अधिकारीले उक्त खाद्यान्न सामग्री वितरण गरेको हो ।

८० हजार रुपैयाँ बराबरको खाद्यान्न सामग्र खरिद गरी ती परिवारलाई वितरण गरेको हो । उक्त सामग्री खरिदमा श्रेष्ठले ६० हजार रुपैयाँ र अधिकारीले २० हजार रपैयाँ खर्चिनु भएको छ ।

श्रेष्ठ र अधिकारी दुबै नयाँपाटीमा बसोबास गर्दै आउनुभएको छ । लकडाउनका कारण मजदुहरुलाई खानको लागि समस्या नहोस् भनेर उक्त सामग्री वितरण गरिएको हो ।