सन्दर्भ व्याजदरको विरोध गर्नेको संस्थामा अनुगमन, अनुगमनपछि डराए सहकारीकर्मी

काठमाडौं, २८ फागुन

सन्दर्भ व्याजदरको विरोध गर्ने सहकारीका सञ्चालकहरु अहिले कुनै पनि कार्यक्रममा यस विषयमा केही बोलेको पाइदैन ।

सहकारी विभागले सन्दर्भ व्याजदर लागू गर्ने वित्तिकै कार्यक्रम नै गरेर विरोधमा उत्रिएका सहकारीकर्मीहरु यती बेला कुनै पनि कुरा गर्न खोज्दैनन् । धेरै सहकारीका सञ्चालकलाई उचालेर विरोध कार्यक्रम गर्ने र अहिले किन चुप बसेका होलाल् ? अहिले ति सहकारीका सञ्चालकहरु सन्र्दभ व्याजदर पूर्ण रुपमा कार्यान्वयन गरिरहेका छन् ।

सहकारी विभागले विरोध गर्ने सहकारीका सञ्चालक आवद्ध सहकारीको अनुगमन गर्न थालेपछि ति व्यक्तिहरु चुप बसेका हुन् । विरोधमा उत्रिएका सञ्चालका सहकारीमा व्याजदरको अनुगमनलाई तिब्र बनाएसँगै ति सहकारीकर्मी चुप बसेको सहकारी विभाग स्रोतले जनाएको छ ।

‘व्याजदर कार्यान्वयन गर्दैनौं भन्ने ति सहकारीकर्मीको संस्थामा हामीले अनुगमन गर्न सुरु ग¥र्यौ’, विभाग स्रोतले भन्यो, ‘त्यसपछि डराएर कार्यान्वयनमा गए । अनि चुप चाप बसे ।’

सहकारी विभागले साउन १९ गतेबाट सन्दर्भ व्याजदर लागू गरेको हो । सहकारी संस्थाले १६ प्रतिशतभन्दा बढी व्याज लिन नपाउने गरि व्याजदर तोकेको छ ।