गाउँ गाउँमा सहकारी खोज्दै स्थानीय सरकार

धुलिखेल, २४ फागुन

स्थानीय सरकार गाउँ गाउँमा सहकारी संस्था खोज्ने काममा व्यस्त भएको छ । नेपाल सहकारी पत्रकार समाज (सिजेएन)ले धुलिखेलमा आयोजना गरेको स्थानीय सहकारी विषयक छलफल कार्यक्रममा स्थानीय तहका कर्मचारीले गाउँ गाउँमा सहकारी सस्था खोज्ने कार्य सुरु भएको जानकारी दिइयो ।

कार्यक्रममा नमोबुद्द नगरपालिकाका अधिकृत विमल कोईरालाले १०४ वटा सहकारी भएको र सबै सन्चालनमा नआएको बताउनुभयो । नगरपालिका क्षेत्र अधिकार भित्र रहेका सहकारी आधा पनि सन्चालनमा नरहेको बताउनुभयो । ती सहकारीको खोजि कार्य जारी रहेको उहाँले बताउनुभयो ।

ती सहकारी कहाँ कहाँ छन् भनेर गाउँ गाउँमा खोज्ने क्रम जारी रहेको उहाँले बताउनुभयो ।

कार्यक्रममा पाँचखाल नगरपालिकाका सहकारी शाखा प्रमुख ईश्वरप्रसाद अधिकारीले जिल्लाका कृषि सहकारीहरु कसरी चलेका छन् भनेर अझै पनि थाहा पाउन नसकेको बताउनुभयो । उहाँले सहकारी सस्था दर्ता भएयता कुनै पनि विवरण पेश नभएको बताउनुभयो । दर्ता भएका १३७ सहकारीमा १५ वटा मात्रै सुचिकरण हुन आएका उहाँले जानकारी दिनुभयो । अधिकारीले सहकारीलाई सुचिकरणमा आउन पटम पटक आग्रह गर्दा पनि सुचिकरण हुन नआएको गुनासो गर्नुभयो ।

कार्यक्रममा जिल्ला सहकारी संघ काभ्रेका सचिव दिलिप शर्माले जिल्लाका केही सहकारीमा सामान्य समस्या रहेको बताउनुभयो । शर्माका अनुसार स्थानीय जनप्रतिनिधिलाई ऐन नियमको जानकारी नहुँदा समस्या भएको बताउनुभयो ।