गौतम बुद्ध रङ्गशाला निमार्णको लागि पोखरा रोयल साकोसको १ लाख सहयोग

पोखरा, २३ फागुन

पोखरा रोयल बचत तथा ऋण सहकारी संस्थाले जनस्तरबाट निर्माण भईरहेको ‘गौतम बुद्ध अन्तर्राष्ट्रिय क्रिकेट रङ्गशाला’ निर्माण अभियानका लागि सहयोग गरेको छ ।

संस्थाले १ लाख १ हजार ३ सय ५९ रुपैयाँ नगद सहित चलचित्र सेण्टि भाईरस को एक शो बुक गरेर सहयोग गरेको हो । संस्थाका अध्यक्ष मेजर तुलसीप्रसाद गुरुङ्गले उक्त सहयोग रकम धुर्मुस सुन्तली फाउण्डेशनका कुञ्जना घिमिरेलाई प्रदान गर्नुभएको हो ।

सहयोग रकम हस्तान्तरण कार्यक्रममा संस्थाका प्रमुख कार्यकारी अधिकृत भिम गुरुङ्ग, मुख्य प्रवन्धक मिलन ढकाल, कर्मचारी, सेयर सदस्य लगायतको उपस्थिती रहेको थियो ।