सहकारीको लगानी १३ प्रतिशत कृषिमा अनिवार्य

पोखरा, १ फागुन ।

भूमि व्यवस्था, सहकारी तथा गरिबी निवारण मन्त्री पद्माकुमारी अर्यालले सहकारीको कुल लगानीको १३ प्रतिशत लगानी कृषि क्षेत्रमा गर्नु पर्ने बताउनु भएको छ ।

सहकारीमार्फत कृषिको आधुनिकीकरण र व्यवसायिकतामा ध्यान दिनु पर्ने बताउनु भयो ।

सहकारी विभागले गण्डकी प्रदेशका स्थानीय तहका पदाधिकारी संग सहकारी नियमन तथा प्रवद्र्धन विषयमा आयोजना गरेको गोष्ठीलाई सम्बोधन गर्नुहुँदै मन्त्री अर्यालले वार्षिक १७ हजार मानिसलाई रोजगारी सिर्जना गर्नेगरी सहकारीलाई अगाडी बढाउने योजनामा रहेको बताउनु भयो ।

सामाजिक रुपान्तरणसहित आर्थिक विकास गरेर कसरी जाने भनेर मन्त्रालयले एउटा डकुमेन्ट तयार गर्दै गरेको मन्त्री अर्यालले जानकारी दिनुभयो।