नेफस्कूनका सिईयो सापकोटा सम्मानित

काठमाडौं, १५ माघ

नेपाल बचत तथा ऋण केन्द्रीय सहकारी संघ (नेफ्स्कून)का प्रमुख कार्यकारी अधिकृत शिवजी सापकोटा सम्मानित भएका छन् ।

काभ्रेमा रहेको सामुदायिक बचत तथा ऋण सहकारी संस्थाको २६ औं स्थापना दिवसको अवसरमा सापकोटालाई साकोस अभियानको कुशल व्यवस्थापक विधामा सम्मानित गरेको हो ।

संस्थाले आफ्ना सदस्यहरु मध्येबाट प्रदेश तह र स्थानीय जनप्रतिनिधिहरु, उत्कृष्ट स्थानमा पुग्न सफल शैक्षिक क्षेत्रका व्यक्तिहरु, उत्कृष्ट स्थानमा पुग्न सफल सहकारी अभियन्ताहरु, उत्कृष्ट स्थानमा पुग्न सफल कुशल व्यवस्थापक, पत्रकारिता र साहित्य क्षेत्रका व्यक्तित्वहरुलाई सम्मान गरेको थियो ।

एशियाली स्तरको सिल्भर ब्राण्ड प्राप्त यस संस्थामा २४ हजार ४ सय सदस्यहरु मार्फत १ अरब ९७ करोड पूँजि परिचालन भएको छ ।