राष्ट्रिय सहकारी बैंकको ६ महिनाको खुद नाफा ३६ करोड

काठमाडौं, १२ माघ

राष्ट्रिय सहकारी बैंक चालु आर्थिक वर्षको पुस मसान्त सम्ममा ३६ करोड ८३ लाख ४० हजार रुपैयाँ खुद नाफा आर्जन गरेको छ ।

बैंकले गत त्रैमासमा ९ करोड ३२ लाख ९७ हजार रुपैयाँ र यस त्रैमासमा २७ करोड ५० लाख ४३ हजार रुपैयाँ खुद नाफा गरेको हो ।

बैंकले सार्वजनिक गरेको अपरिष्कृत विवरण अनुसार अघिल्लो आर्थिक वर्षको दोस्रो त्रैमासमा १५ करोड ५३ लाख खुद नाफा आर्जन गरेको थियो ।

पुस मसान्तसम्ममा बैंकको सेयर पुँजी १ अर्ब ९० करोड ८० लाख पुगेको छ । बैंकले यस त्रैमासमा ३० अर्ब ४८ करोड ३० लाख निक्षेप संकलन गरेको छ । गत त्रैमासमा २८ अर्ब ४० करोड ११ लाख निक्षेप संकलन गरेको थियो ।