ललितपुर साकोस समिटको मिति तय, नाम दर्ता गर्न अनुरोध

ललितपुर, १० माघ

चौथो ललितपुर साकोस समिटको मिति तय भएको छ । ललितपुर जिल्ला बचत तथा ऋण सहकारी संघको आयोजनामा हुने समिट ललितपुर जिल्लाकै गोदावरीमा हुने भएको छ ।

ललितपुरको गोदावरी स्थित होटल भ्यू भृकुटीमा फागुन २३, २४ र २५ गते हुने संघले जनाएको छ ।

बचत तथा ऋण सहकारी संस्थालाई दिगो बनाउन नीति, विधि र प्रविधिको अधिकतम प्रयोग गर्नुको साथै संस्थागत विकासका लागि समिट आयोजना गरिएको संघका अध्यक्ष रामहरी बजगाईले जानकारी दिए ।

साकोस समिटमा सहभागिताका लागि नाम दर्ता समेत खुला गरेको छ । समयमै नाम दर्ता गराएर सहभागिता जनाउन सम्पूर्ण सहकारीलाई संघले अनुरोध गरेको छ ।