ब्याजदरमा सहकारीको प्रतिस्पर्धा वाणिज्य बैंकसँग, सहकारी सरह पुग्यो ब्याजदर

काठमाडौं, २९ पुष ।

ग्लोबल आइएमई बैंक र एनसीसी बैंकले नयाँ ब्याजदर सार्वजनिक गरेका छन् । यी बैंकले सार्वजनिक गरेको नयाँ ब्याजदर झण्डै सहकारीको हाराहारिमा पुगेको छ ।

ग्लोबल बैंकले सार्वजनिक गरेको नयाँ ब्याजदरमा अनुसार निक्षेपतर्फ व्यक्तिगतमा ९.२५ र संस्थागततर्फ ८.५० प्रतिशत ब्याजदर तोकिएको छ । बैंकले बचततर्फ अधिकतम ६ र न्यूनतम ०.७५ प्रतिशत छ । असोज मसान्तसम्म बैंकको आधार दर ९.४४ प्रतिशत छ ।

ग्लोबल बैंकबाट ऋण लिँदा १५.४४ प्रतिशत ब्याज लाग्ने छ भने स्टक ब्रोकर्स फाइनान्सिङ, मोटरेज लोन, शैक्षिक धितोकर्जा, हायर पर्चेज लोन लिँदा १५.४४ प्रतिशत ब्याज लाग्ने छ । त्यस्तै होमलोन १४.४४, अटो लोन १४.४४ प्रतिशत ब्याज लाग्ने छ ।

यस्तै एनसीसी बैंकले सार्वजनिक गरेको पनि नयाँ ब्याजदर अनुसार निक्षेपतर्फ व्यक्तिगतमा ९.२५ र संस्थागततर्फ ८.५० प्रतिशत छ । बैंकले बचततर्फ अधिकतम ६.५० र न्यूनतम ३ प्रतिशत छ । बैंकले हाल १४ वटा बचत खाता सञ्चालनमा ल्याएको छ ।

बैंकको असोज मसान्तसम्मको आधार दर १०.७७ प्रतिशत रहेको छ । बैंकबाट ऋण लिँदा अधिकतम १६.७७ प्रतिशत ब्याज लाग्ने छ । बैंकबाट सेयर धितोकर्जा, पर्सनल लोन, होम लोन, शैक्षिक धितोकर्जा लिँदा १६.७७ प्रतिशत ब्याज लाग्ने छ । बैंकबाट सवारी साधान खरिदका लागि ऋण लिँदा १४.७७ प्रतिशत ब्याज लाग्ने छ ।

वाणिज्य बैंकले कर्जामा लिने ब्याजदर सहकारी संस्थाकै हाराहारिमा पुगेको छ । सहकारी संस्थाले बढीमा १६ प्रतिशत ब्याजदर लिदै आएको छ । सहकारीले १६ प्रतिशतभन्दा बढी लिन पाउँदैन ।