हाम्रो सगरमाथा सहकारीको अध्यक्षमा पुनः केबी उप्रेती

ललितपुर, २८ पुष

ललितपुरको कुपण्डोलमा केन्द्रिय कार्यालय रहेको हाम्रो सगरमाथा बहुउद्देश्यीय सहकारी संस्थाको अध्यक्षमा पुनः के.बि. उप्रेती निर्वाचित भएका छन् ।

गत शनिबार (पुष २६) गते सम्पन्न संस्थाको २२ औं साधारणसभाले पुनः केबि उप्रेतीको नेतृत्वमा सर्वसम्मत नयाँ सञ्चालक समिति चयन गरेको हो ।

संस्थाको नयाँ सञ्चालक समितिको उपाध्यक्षमा शिवप्रसाद कट्टेल, सचिवमा देवराज पराजुली, कोषाध्यक्षमा मुकुन्दप्रसाद पाण्डे, सदस्यमा बद्रि महत र प्रकाशमान शाही निर्वाचित भएका छन् ।

त्यस्तै लेखा समितिको संयोजकमा राजु पौडेल निर्वाचित भएका छन् । पौडेल यसअघि पनि लेखा समिति संयोजक थिए ।