अध्यक्ष पौड्याल भन्छन्, ‘नेफ्स्कूनलाई गतिशिल बनाउँछु’

पौष ६, काठमाडौं ।

नेपाल बचत तथा ऋण केन्द्रिय सहकारी संघ (नेफस्कून)को नवनिर्वाचित अध्यक्ष परितोष पौड्यालले नीति, विधि र प्रविधिलाई आत्मसात गर्दै थप सशक्त, एकताबद्ध र जुझारु ढंगले जिम्मेवारीबोधका साथ साकोस अभियानलाई अघि बढाउने बताउनु भएको छ ।

आज (आइतबार) औपचारिक रुपमा पद तथा गोपनीयताको सपथ ग्रहणपछि बोल्दै अध्यक्ष पौड्यालले जोश, जाँगर र उत्साहको साथमा चुस्त व्यबस्थापनको सहयोगमा नेफ्स्कूनलाई गतिशिल बनाउने बचनबद्धता व्यक्त गर्नुभयो ।

उहाँले गतिको तीब्रतामा समयको मन्दी सम्भव भएकोमा जोड दिदै उहाँले थप तीब्रताका साथ साकोस अभियानको नेतृत्व दिने सामूहिक प्रतिबद्धता व्यक्त गर्नुभयो ।