अब अन्तर सहकारी चेक सटही सेवा सुरु गर्नुपर्छः मन्त्री अर्याल

काठमाडौं, ४ पुस ।

भूमि व्यवस्था, सहकारी तथा गरिवी निवारण मन्त्री पद्मा कुमारी अर्यालले सहकारीमा नवीनतम् प्रविधिको प्रयोग गरेर अन्तर सहकारी चेक सटही सेवा सुरु गर्नुपर्ने बताएकी छिन् ।

नेपाल बचत तथा ऋण केन्द्रीय सहकारी संघ (नेफ्स्कून)को २८ औं वार्षिक साधारण सभाको उद्घाटन सत्रलाई सम्बोधन गर्दै मन्त्री अर्यालले सहकारीलाई प्रविधिमैत्री बनाउन आग्रह गरिन ।

सहकारीले बैंक तथा वित्तीय संस्थाहरुसंग प्रतिस्पर्धा गर्नका लागि पनि सहकारीले आधुनिक प्रविधिको प्रयोग गर्न अपरिहार्य रहेको बताईन ।

‘हिजो एक महिनामा हुने काम, अब एक दिनमा हुनुपर्छ’, मन्त्री अर्यालले भनिन्, ‘सहकारीले परम्पारवादी व्यवहार त्यागेर प्रविधिमैत्री कारोबार गर्नुपर्ने पर्छ । सबै सहकारीमा विद्युतीय कारोबार र अन्तर सहकारी चेक सटही सेवा सुरु गर्नुपर्छ ।’