मानवीय बचतको साधारणसभा सम्पन्न, अध्यक्षमा विनोद बज्राचार्य

काठमाडौं, ११ असोज
बसन्तपुर, झोछेँ स्थित मानवीय बचत तथा ऋण सहकारी संस्थाको ९ औं साधारणसभाल शुक्रबार सम्पन्न भएको छ ।

संस्थाका अध्यक्ष मनोज बासुकलाको सभापतित्वमा सम्पन्न साधारणसभाको प्रमुख अतिथि पूर्व वरिष्ठ सहकारी अधिकृत केशबबहादुर थापा रहेका थिए ।

६४ लाख सेयर पुँजी रहेको यस संस्थाले आर्थिक वर्ष २०७५/०७६ मा ८ करोड ९ लाख रुपैयाँ निक्षेप संकलन गरेको थियो । त्यस्तै संस्थाले सोही आर्थिक वर्षमा ६ करोड ८९ लाख रुपैयाँ कर्जा लगानी गरेको साधारणसभामा जानकारी गराईएको थियो ।

साधारणसभाले बिनोद रत्न बज्राचार्यलाई अध्यक्षमा निर्विरोध चयन गरेको छ ।