शिखर साकोसले विपन्नलाई दशैं मनाउन नयाँ कपडा र खाद्यान्न दिने

बिर्तामोड (झापा), ७ असोज । शिखर बचत तथा ऋण सहकारी संस्था (शिखर साकोस)ले आफ्नो ९ औं स्थापना दिवस विशेष कार्यक्रम गरि मनाउने भएको छ ।

‘दशैं आयो खाउँला पिउँला’ चाडपर्वमा कसैले फैलाउनु नपरोस् हात, यसपालीको दशैंमा शिखरले दिन्छ तपाईको साथ, यसपाली दशैं शिखरसँग भन्ने नारा र उदेश्यका साथ विभिन्न कार्यक्रम गरेर मनाउने संस्थाले जनाएको छ ।

असोज ११ गते बिर्तामोडमा आयोजना हुने कार्यक्रममा वृहत रक्तदान, असोज १५ गते विपन्न वर्गका ५० जनालाई नयाँ कपडा, खाद्यान्न वितरण गर्ने भएको हो । साकोसले आफ्ना गाउँठाउँमा रहेका विपन्न व्यक्तीहरु भए जानकारी गराउन सबैसँग आग्रह पनि गरेको छ । २०६७ साल बैशाख २२ गते औपचारिक रुपमा सेवा सुरु गरेको साकोसले छोटो समयमा उललेखनिय उपलव्धी गरेको छ ।

स्थापना कालमा ४४ जना शेयर सदस्यले १ हजारका दरले शेयर लगानी गरेर सुरु गरिएको शिखर साकोसमा हाल ७ हजार ८ सय ३९ जना शेयर सदस्य रहेका छन् ।

संस्थाको शेयर पुँजी ४ करोड ७० लाख, बचत रकम ४८ करोड ४३ लाख, ऋण लगानी ५० करोड ८४ लाख र कोषमा १ करोड ५० लाख राख्न सफल भएको संस्थाका सचिव हिमालय प्रसाईले बताए ।
चारजना कर्मचारीबाट सुरु भएको संस्थामा हाल ३४ जना कर्मचारी रहेका छन् । झापाको कनकाई पूर्वलाई कार्यक्षेत्र बनाएर सहकारी सेवा विस्तार गर्ने क्रममा संस्थाको हाल राजगढ र गरामनीमा सेवा केन्द्र संचालनमा रहेको छ भने बिर्तामोडमा मुख्य कार्यालय रहेको छ ।

प्रविधी प्रयोगको हिसाबले झापाकै पहिलो सहकारी संस्थाको नाम बनाएर चर्चामा रहेको शिखर साकोसले मोवाईल बैंकिङ, एसएमएस बैंकिङ, फोन गरे हुन्छ शिखर घरमै आईपुग्छ जस्ता प्रविधीयुक्त सुविधाहरु सुरु गरेको छ । बिहान ९ बजेदेखि बेलुका ९ बजेसम्म सदस्यलाई सेवा दिदै आएको यस संस्थाले २० हजार देखि ५० लाख सम्म ऋण लगानी गर्दै आएको संस्थाका अध्यक्ष दिपेन्द्र राउतले बताए ।

सानादेखि ठूला उद्यमी व्यवसायी सदस्यहरुलाई सहज रुपमा ऋण प्रवाह संस्थाले गर्दै आएको छ । यस वर्ष २२६९ जनालाई ऋण लगानी गरिसकेको छ । संस्थाले ७ दिन देखि ३ वर्षसम्मको समय अबधीका लागि ऋण दिने गरेको छ ।