पिपुल्स साकोसको १३ औं साधारणसभा सम्पन्न

बनेपा, ३१ भदौ

बनेपाको पिपुल्स बचत तथा ऋण सहकारी संस्थाको १३ औं वार्षिक साधारणसभा सम्पन्न भएको छ ।

संस्थाका अध्यक्ष नवराज केसीको अध्यक्षतामा भएको साधारणसभामा राष्ट्रिय सहकारी महासंघका उपाध्यक्ष ओमदेवी मल्ल, काभ्रे जिल्ला बचत तथा ऋण सहकारी संघका अध्यक्ष रामहरि केसी लगायत अतिथिहरुको उपस्थिती रहेको थियो ।

साधारणसभाले बार्षिक प्रतिवेदन, लेखापरिक्षण प्रतिवेदन पारित गरेको छ ।

संस्थामा ४ हजार ९ सय ८२ जना सदस्य रहेको छ । संस्थाको सेयर पुँजी २ करोड ३१ लाख १७ हजार रहेको छ । संस्थाले सदस्यबाट १८ करोड १० लाख १२ हजार निक्षेप संकलन गर्न सफल भएको संस्थाका अध्यक्ष केसीले बताए ।