रामकोट बचतको १० औं साधारणसभा सम्पन्न

धादिङ, ३० भदौ
निलकण्ठ नगरपालिका–८ स्थित रामकोट बचत तथा ऋण सहकारी संस्था लिमिटेडको १० औं वार्षिक साधारण सभा सम्पन्न भएको छ ।

सहकारी संस्थामा हाल १ हजार २ सय जना सेयर सदस्यहरु रहेका छन् । ५ करोड २८ लाख ३४ हजार एक सय शेयर पुँजी रहेको सहकारीले गत वर्ष भन्दा यस बर्ष १३ दशमलप ३६ प्रतिशतले कुल आम्दानी बृद्धि भएको संस्थाका अध्यक्ष हेमराज श्रेष्ठले बताए ।

समुदायमा छरिएर रहेको पुँजीलाई एकिकृत गरी समुदायको आर्थिक स्तर अभिवृद्धि गर्ने उदेश्यले २५ जना युवा मिलेर २०६४ सालमा सहकारीको स्थापना गरिएको संस्थाका अध्यक्ष श्रेष्ठले बताए ।

साधारणसभामा असल बचतकर्ता सदस्य, असल ऋणी सदस्य, असल बचतकर्ता समुह, असल ऋणी समुहलाई सम्मान गरिएको थियो । संस्थाका अध्यक्ष हेमराज श्रेष्ठको अध्यक्षतामा सम्पन्न भएको साधारण सभामा नगर प्रमुख भीम प्रसाद ढुङगानाको प्रमुख आतिथ्यता रहेको थियो ।