अनुकरणीय प्रविधि प्रयोगमा विकू बचत उत्कृष्ट

काठमाडौं, ३२ साउन

अनुकरणीय उच्चस्तरको प्रविधि प्रयोगमा विकु साकोस, नवलपरासी उत्कृष्ट भएको छ ।

नेपाल बचत तथा ऋण केन्द्रीय सहकारी संघ लि.(नेफ्स्कून) ले उच्चस्तरको प्रविधि प्रयोग गर्दै आएको विकु साकोसलाई उत्कृष्ट घोषणा गरेको हो । प्रविधिमार्फत सदस्यलाई दिएको सुविधाको उच्च मुल्याङ्कन गर्दै देशभरको उत्कृष्ट सहकारी संस्थाको रुपमा विकू घोषणा भएको हो ।

नेफ्स्कूनको ३२ औं स्थापना दिवसको अवसरमा शुक्रबार (साउन ३२ गते) काठमाडौंमा आयोजित कार्यक्रममा उक्त घोषणा गरिएको हो । नेफ्स्कूनले आगामी साधारणसभामा विकूले उक्त अवार्ड पाउने छ ।

विकुले एटिएम सेवा, मिस्डकल बैंकिङ, क्यूआर कोड बैंकिङ, एसएमएस बैंकिङ लगायतको सेवा सदस्यलाई प्रदान गर्दै आएको छ ।