अन्तर्राष्ट्रिय सहकारी महासंघ बोर्ड बैठक नेपालमा हुने

काठमाडौं, ९ असार
विश्व सहकारी अभियानको शिर्षस्थ निकाय अन्तर्राष्ट्रिय सहकारी महासंघ (आइसीए( को ग्लोबल बोर्ड बैठक नेपालमा हुने भएको छ ।

राष्ट्रिय सहकारी महासंघका उपाध्यक्ष तथा आइसीए ग्लोबल बोर्ड सदस्य ओमदेवी मल्लले नेपालमा आइसीएको बैठक तय भएको स्विजरल्यान्डको जेनेभाबाट जानकारी गराईन ।

मल्ल जेनेभामा भएको आइसीएको बोर्ड बैठकमा सहभागी छन्। नेपालमा सन् २०२१ को मार्चमा आइसीएको ग्लाबेल बोर्ड बैठक हुने जेनेभामा बसेको बोर्डले निर्णय गरेको मल्लले बताइन । उनले नेपालमा यो बैठक हुनु सम्पूर्ण नेपालको सहकारी अभियानका लागि गर्वको विषय भएको बताईन ।