६२ औं सहकारी दिवसमा नेचुरल सहकारी सम्मानित

काठमाडौं, २० चैत्र
काठमाडौंको जोरपाटीमा केन्द्रिय कार्यालय रहेको नेचुरल बचत तथा ऋण सहकारी ६२ औं राष्ट्रिय सहकारी दिवसमा सम्मानित भएको छ ।
जिल्ला सहकारी संघ, काठमाडौंले सहकारी दिवस मनाउने क्रममा आयोजना गरेको सप्ताहव्यापी कार्यक्रम सफल बनाउन पु¥याएको योगदानको उच्च कदर गर्दै सम्मानित भएको हो ।

६२ औं राष्ट्रिय सहकारी दिवसको अवसरमा काठमाडौंको भृकुटी मण्डपमा आयोजित एक कार्यक्रमको बीच सम्मानित भएको हो । प्रदेश तीनका सांसद तथा केन्द्रिय स्वास्थ्य सहकारी संघका अध्यक्ष राजेन्द्रप्रसाद पाण्डेले संस्थाका प्रमुख कार्यकारी सञ्चालक विकल्प पाठकलाई प्रशंसा पत्र हस्तान्तरण गरेका थिए । नेचुरल सहकारीले बाग्मती सफाई र प्रभातफेरि विधामा दुई वटा प्रशंसा पत्र पाउन सफल भएको हो ।

नेचुरल सहकारीले सहकारीका हरेक कार्यक्रममा सहभागिता जनाउँदै आएको छ । सहकारीले काठमाडौंको जोरपाटी, साँखु र नयाँबजारबाट आफ्नै सदस्यलाई वित्तीय सेवा प्रदान गर्दै आएको छ ।