प्रदेश ५ को उत्कृष्ठ सहकारी ‘सिको साकाेस’

बर्दिया, २० चैत्र

ठाकुरबाबा नगरपालिका भुरीगाँउ स्थित सिको बचत तथा ऋण सहकारी संस्था प्रदेश ५ को उत्कृष्ठ सहकारीको रुपमा पुरस्कृत भएको छ ।

६२ औं राष्ट्रिय सहकारी दिवसको भूमि व्यवस्था, सहकारी तथा गरिबी निवारण मन्त्रालयले नगद दुई लाखसहित सिको साकोस पुरस्कृत भएको हो । मन्त्रालयले मंगलबार आयोजना गरेको विशेष समारोहको बीच प्रधानमन्त्री केपी शर्मा ओलीले संस्थाका अध्यक्ष दामोदर अधिकारीलाई नगदसहित सम्मान पत्र हस्तान्तरण गरेका थिए ।

• 

मन्त्रालयले सहकारी व्यवसायमार्फत सदस्यहरुको आर्थिक, सामाजिक तथा साँस्कृतिक रुपान्तरणमा उल्लेख्य योगदान पु¥याएको भन्दै पुरस्कृत गरेको हो ।

सरकारकोतर्फबाट पाएको राष्ट्रिय सम्मानले नेपालको सहकारी अभियानमा थप हौसला पुगेको संस्थाका अध्यक्ष दामोदर अधिकारीले बताए । संस्थामा आवद्ध सदस्यहरु, कर्मचारी परिवारको अथक मिहेनतले सिको साकोस आज यो अवस्थामा आएको अधिकारीले बताए ।
अध्यक्ष अधिकारी नेपाल बचत तथा ऋण केन्द्रिय सहकारी संघ (नेफ्स्कून) का सञ्चालक हुन् । उनी यसै सिको सहकारीमार्फत नेफ्स्कूनमा प्रतिनिधित्व गर्दछन् ।

केही महिना अघि सिर्जना साकोस, कोशेली साकोस र लक्ष्मी साकोस एकिकरण भै सिको बचत तथा ऋण सहकारी को रुपमा एकिकृत कारोबार आरम्भ गरेको थियो ।संस्थाको सदस्य ५ हजार एक सय ५४ छ । संस्थाको सेयर १ करोड ८५ लाख ७४ हजार, बचत १४ करोड ७० लाख ५४ हजार, ऋण लगानी १५ करोड १७ लाख ८६ हजार र सम्पत्ती १८ करोड ८७ लाख १८ हजार रहेको छ ।