चन्द्रागिरि साकोसको भ्रमणमा मिलिजुली महिला सहकारी

काठमाडौं, ८ चैत

धादिङ महादेवबेशीमा रहेको मिलिजुली महिला बचत तथा ऋण सहकारी संस्थाका प्रतिनिधिले शुक्रबार थानकोट महादेवस्थान स्थित चन्द्रागिरि बचत तथा ऋण सहकारी संस्थाको अध्ययन अवलोकन भ्रमण गरेका छन् ।

चन्द्रागिरि साकोसका तर्फबाट संस्थाका शिवशंकर मानन्धरले स्वागत तथा संस्थाका प्रमुख कार्यकारी अधिकृत कृष्णकुमार श्रेष्ठले संस्थाको गतिविधिको बारेमा प्रस्तुतीकरण राखेका थिए । त्यस्तै श्रेष्ठले सहभागीले उठाएको जिज्ञासाको बारेमा समेत प्रकाश पारेका थिए ।

मिलिजुली सहकारीकातर्फबाट संस्थाका अध्यक्ष उर्मिला रेग्मीले चन्दागिरि सहकारी टिमलाई धन्यवाद ज्ञापन समेत गरिन ।