काठमाडौंमा मात्रै झण्डै तीन सय पोके सहकारी

काठमाडौं, २३ माघ

काठमाडौं महानगरपालिकाका भित्र १८ सय ५६ सहकारी संस्था मध्ये करिब ३ सय सहकारी पोके (झोले) रहेको सहकारी विभाग प्रमुख नमराज ढकालले बताएका छन् ।

तत्कालिन डिभिजन सहकारी कार्यालय काठमाडौंबाट १८ सय ५६ सहकारी जिम्मा लिएको बताउँदै ढकालले निष्कृय र नियम विपरित काम गर्ने सहकारीलाई ठेगान लगाउने बताए ।

काठमाडौं महानगर सहकारी विभाग र सञ्चारकर्मी बीच भएको भेटघाटको क्रममा ढकालले मर्जरमा लगेर करिब ७ सयको हाराहारीमा कायम गर्नुपर्ने बताए ।