कास्कुनको अध्यक्ष बन्ने दौडमा दंगाल, अर्याल र काफ्ले

काठमाडौं, २४ पुस
राष्ट्रिय सहकारी बैंकको निर्वाचन सकिएसँगै काठमाडौं बचत तथा ऋण सहकारी संघ (कास्कुन) को चुनावी सगर्मी बढेको छ । पुस २७ गते हुने निर्वाचनको लागि निर्वाचन कार्यक्रम समेत प्रकाशित भैसकेको छ ।
पुस २५ गते १ बजे देखि ३ बजे सम्म उम्मेदवारी दिने कार्यक्रम तय भएको निर्वाचन उप समितिले जनाएको छ । अध्यक्ष पदका लागि हाल सम्म ३ जनाको दाबी देखिएको छ । वर्तमान अध्यक्ष केश दंगाल, सचिव नवराज अर्याल र कोषाध्यक्ष गोविन्द काफ्लेको दाबी रहेको छ । दंगाल र अर्याल नेकपा सर्मथित सहकारीकर्मी हुन् भने काफ्ले कांग्रेस सर्मथित सहकारीकर्मी हुन् ।
सहमतीबाटै नेतृत्व चयन गर्न छलफल जारी रहेको एक नेताले बताए ।