सिको साकोसको एकीकरण घोषणा, सहकारी अभियानमा नमुना काम

बर्दिया । सिर्जना साकोस, कोशेली साकोस र लक्ष्मी साकोस एकिकरण भै सिको बचत तथा ऋण सहकारी बनेको छ । शुक्रबार एक भव्य समारोह बीच नेफ्सकुनका अध्यक्ष डिवि बस्नेतको प्रमुख आतिथ्यतामा एकीकरण घोषणा गरिएको हो ।
ठाकुरबाबा नगरपालिका– १ भुरीगाउँमा सहकारीको केन्द्रीय कार्यालय समेत उद्घाटन गरिएको छ ।
एकिकरणपछि संस्थाको सदस्य ५ हजार एक सय ५४ पुगेको छ ।
संस्थाको सेयर १ करोड ८५ लाख ७४ हजार, बचत १४ करोड ७० लाख ५४ हजार, ऋण लगानी १५ करोड १७ लाख ८६ हजार र सम्पत्ती १८ करोड ८७ लाख १८ हजार रहेको संस्थाका अध्यक्ष दामोदर अघिकारीले जानकारी दिए ।