सहयात्री सहकारीका अध्यक्ष पक्राउ

धनकुटा । सहयात्री कृषि संस्था लिमिटेड, धनकुटाका अध्यक्ष तिलकबहादुर यसमाली पक्राउ परेका छन् । ५५ लाख रुपैयाँ हिनामिना गरी फरार रहेका यसमालीलाई प्रहरीले बिहीबार पक्राउ गरेको हो ।
धनकुटा–७ हुलाकटोलमा रहेको सहयात्री कृषि संस्था लिमिटेडको पैसा हिनामिना गरी अध्यक्ष यसमाली फरार थिए । अध्यक्ष यसमालीलाई आवश्यक कारबाहीको लागि बिहीबार नै जिल्ला प्रशासन कार्यालय पठाइ थप अनुसन्धानका लागि हिरासतमा राखिएको प्रहरीले जनाएको छ ।