सदस्य हित र सामाजिक कार्यमा नेचुरल सहकारी

काठमाडौं । काठमाडौंको जोरपाटीमा केन्द्रिय कार्यालय रहेको नेचुरल बचत तथा ऋण सहकारी संस्थाको ११ औं वार्षिकोत्सवको अवसरमा अपांग बालबालिकालाई सहयोग गरेको छ ।

संस्थाले गोकर्ण स्थित अपांग पुर्नस्थापना केन्द्र नेपालका ५५ जना बालबालिकालाई खाद्यान्न, लत्ता कपडा, स्टेशनरी लगायतका विभिन्न जिन्सी सामग्री प्रदान गरेको हो । विगत ५ वर्षदेखि संस्थाको वार्षिकोत्सवको अवसरमा निरन्तर सहयोग गर्दै आएको संस्थाका प्रमुख कार्यकारी सञ्चालक विकल्प पाठकले जानकारी दिए । नेचुरल सहकारी बचत तथा ऋणको मात्र कारोबारमा मात्र केन्द्रित नभई सामाजिक कार्यमा समेत अग्रसर रहेको पाठकले बताए । संस्थाले ट्राफिक जनचेतनामूलक कार्यक्रम, रक्तदान, धुम्रपान विरुद्ध जनचेतना, विविध जागरण लगायतका विभिन्न सामाजिक गतिविधिहरु गर्दै आएको उनको भनाई छ ।

सदस्यको आर्थिक, सामाजिक एवम् सांस्कृतिक उद्देश्य परिपूर्ति गर्ने उद्देश्यका साथ २०६५ वैशाख २४ गते नेचुरल सहकारी संस्था स्थापना भएको थियो । संस्थाले जोरपाटी, साँखु र नयाँ बजारमाबाट सदस्यहरुलाई बचत, ऋण, रेमिट्यान्स लगायतका सुविधा उपलब्ध गराउदै आएको छ ।