ऋषिराज घिमिरे बने एशियाली ऋण महासंघको अध्यक्ष

काठमाडौं । ऋषिराज घिमिरेले एशियाली ऋण महासंघको अध्यक्षमा पदभार ग्रहण गरेका छन् । बुधबार एशियाली ऋण महासंघको ९१ औं सञ्चालक समितिको बैठकसँगै उनले पदभार ग्रहण गरेका हुन् । घिमिरे नेपाल बचत तथा ऋण केन्द्रीय सहकारी संघ (नेफ्कुन)का सल्लाहकार हुन् ।

दक्षिण कोरियाको ईन्चोन सहरमा २०१६ सेप्टेम्बरमा सम्पन्न महासंघको ३५औं साधारण सभबाट घिमिरे प्रथम उपाध्यक्षमा निर्वाचित भएका थिए । यस अघि उनी कोषाध्यक्ष थिए । घिमिरे २०१४ देखि एशियाली ऋण महासंघको बोर्डमा रहेका छन् भने २५ वर्षदेखि नेपालको सहकारी अभियानमा सहभागी छन् ।

अक्कुका वर्तमान अध्यक्ष चन्द्र चुल(सांग प्रतिनिधि आएको संस्थाले उनलाई प्रतिनिधिबाट हटाएपछि घिमिरेलाई अध्यक्ष भएका हुन् ।